9 Tips for Effective Communication in the Workplace

လုပ်ငန်းခွင်မှာ Communication Skill ကောင်းဖို့ အချက် [၉] ချက်

ဘယ်နေရာရောက်ရောက် မဖြစ်မနေ ကျွမ်းကျင်ထားသင့်ပြီး အထူးသဖြင့် လုပ်ငန်းခွင်ဝင်နေတဲ့လူငယ်တွေနဲ့ လုပ်ငန်းခွင်ဝင်ရောက်ဖို့ ကြိုးစားနေတဲ့လူငယ်တွေအတွက် ပေါင်းသင်းဆက်ဆံရေး Communication Skill တိုးတက်ဖို့ နည်းလမ်းတွေကို မျှဝေပေးချင်ပါတယ်။

Communication ကောင်းတယ်လို့ ပြောလိုက်ရင် အများစုက စကားပြောကောင်းတယ်လို့ပဲ ယူဆတတ်ကြပါတယ်။ ဒါပေမဲ့ Communication ဆိုတာ “ စကားပြောခြင်းအတတ်ပညာ” ဆိုတာထက် အများကြီးပိုပါတယ်။ 

လုပ်ငန်းခွင်မှာဆိုရင် ကိုယ်ပြောလိုက်တဲ့စကားကို တစ်ဖက်သူသေချာနားလည်ပြီး သဘောပေါက်သွားဖို့၊ ပေးချင်တဲ့ Message ကို တိတိကျကျရရှိဖို့အတွက် ပြောဆိုဆက်သွယ်တတ်ဖို့ အရေးကြီးပါတယ်။

အဲ့ဒါဆို အရေးပါလှတဲ့ Communication Skill တိုးတက်လာဖို့ ဘယ်အချက်တွေကို လေ့လာထားသင့်လဲဆိုတာ သိရဖို့ဆိုရင်တော့ ဒီ Content ကို အဆုံးထိဖတ်ကြည့်လိုက်တော့နော်

1 ] Active listening

တစ်ယောက်နဲ့ တစ်ယောက် ပြောဆိုဆက်သွယ်တဲ့အခါမျိုးမှာ အာရုံစိုက်ပြီး လေးနက်စွာ နားထောင်ပေးနိုင်ဖို့ လိုပါတယ်။ တစ်ဖက်သူရဲ့စကားကို ဂရုတစိုက် နားထောင်ပေးတာကလည်း လေးစားမှုကို ပြသရာရောက်ပြီး ကောင်းမွန်တဲ့ ဆက်ဆံရေးတွေကို ဖန်တီးနိုင်စေပါတယ်။

2 ] Body Language

နေ့စဉ်ပေါင်းသင်းဆက်ဆံရေးရဲ့ 65% က Body Language ကို အသုံးပြုနေရတာဖြစ်ပါတယ်။ ကိုယ်စကားပြောနေတဲ့သူနဲ့ မျက်လုံးချင်းမစုံတာ၊ ကိုယ်နေဟန်ထားမမှန်တာ၊ တစ်ဖက်သူစကားပြောနေချိန် ဖုန်းသုံးနေတာ၊ နာရီခဏခဏကြည့်နေတာတွေကလည်း Communication ကို ထိခိုက်စေနိုင်တဲ့ အပြုအမူတွေဖြစ်ပါတယ်။

3 ] Be Respectful

လုပ်ငန်းခွင်တိုင်းမှာ အပြန်အလှန်လေးစားမှု ရှိထားသင့်ပါတယ်။ စောင့်ထိန်းသင့်တဲ့ စည်းမျဉ်းစည်းကမ်းတွေကို လေးစားလိုက်နာတာ၊ အလုပ်နဲ့ ကိုယ်ရေးကိုယ်တာ ခွဲခြားတတ်တာတွေကလည်း ပေါင်းသင်းဆက်ဆံရေးတိုးတက်ဖို့ အထောက်အကူပြုပါတယ်။

4 ] Know Communication Styles

ကိုယ်နဲ့ ပြောဆိုဆက်သွယ်မဲ့သူရဲ့ Communication Style ကို လေ့လာထားပြီး လိုက်လျောညီထွေ ပြုမူသင့်ပါတယ်။ အထက်လူကြီး၊ လုပ်ဖော်ကိုင်ဖက်၊ ဆရာသမား၊ လက်အောက်ငယ်သား စသဖြင့် လိုအပ်တဲ့နေရာမှာ ကောင်းမွန်သင့်တော်တဲ့ ဆက်သွယ်မှုတွေကို ပြုလုပ်သင့်ပါတယ်။

5 ] Set The Tone

ပြောဆိုဆက်သွယ်တဲ့အခါ လေယူလေသိမ်း မှန်ကန်ဖို့လည်း အရေးကြီးပါတယ်။ မြန်မြန်ပြောသင့်တဲ့နေရာ၊ ဖြည်းဖြည်းနဲ့ နားလည်အောင်ရှင်းပြပေးရမဲ့နေရာ စသဖြင့် အချိန်အခါနဲ့ နေရာဒေသကို နားလည်သဘောပေါက်ဖို့ လိုပါတယ်။

6 ] Confidence

လုပ်ငန်းခွင်မှာ ပေါင်းသင်းဆက်ဆံရေးကောင်းမွန်ဖို့ဆိုရင် ကိုယ့်ကိုယ်ကိုယ်ယုံကြည်မှုရှိဖို့က အခရာကျပါတယ်။ ယုံကြည်မှုရှိခြင်းက ကိုယ့်ရဲ့အလုပ်တာဝန်တွေကို ပိုပြီး အဆင်ပြေချောမွေ့အောင် ပြုလုပ်နိုင်တဲ့အပြင် ညှိနှိုင်းဆွေးနွေးတဲ့စကားဝိုင်းတွေမှာလည်း ကိုယ့်ရဲ့စိတ်ကူးအကြံဉာဏ်တွေကို စနစ်ကျစွာနဲ့ မျှဝေရှင်းပြနိုင်မှာ ဖြစ်ပါတယ်။

7 ] Emotional Intelligence

ပေါင်းသင်းဆက်ဆံရေးပြေပြစ်တဲ့သူတွေကို လေ့လာကြည့်ရင် Emotional Intelligence ဆိုတဲ့ ကိုယ့်စိတ်ခံစားချက်ကို သိတာ၊ အခြားသူရဲ့စိတ်ခံစားချက်တွေကိုလည်း အကဲခတ်ပြီး နားလည်ပေးနိုင်စွမ်းရှိတာတွေကို သိနိုင်ပါတယ်။ 

8 ] Prepare and Plan Ahead

ကြိုတင်ပြင်ဆင်မှုရှိဖို့နဲ့ အစီအစဉ်ချတတ်ဖို့လည်း လိုအပ်ပါတယ်။ အရေးကြီးတဲ့မီတင်လိုနေရာမျိုးတွေမှာ ကိုယ့်ပြောချင်တဲ့အကြောင်းအရာကို ချက်ကျလက်ကျ ရှင်းပြနိုင်ဖို့ အချက်အလက်တွေကို ကြိုတင်ပြင်ဆင်ပြီး စုဆောင်းထားသင့်ပါတယ်။

9 ] Frequently ask for Feedback

လုပ်ငန်းခွင်မှာ အဖွဲ့အစည်း၊ အသင်းအုပ်စုနဲ့ အလုပ်လုပ်ကြရတာဖြစ်တဲ့အတွက် ကိုယ့်နဲ့အလုပ်အတူလုပ်နေတဲ့သူတွေဆီကနေ အကြံပြုချက်တောင်းတတ်ရပါမယ်။ ဒါမှ ပိုမိုကောင်းမွန်တဲ့လုပ်ငန်းခွင်၊ မလိုအပ်ဘဲ အချိန်ကြန့်ကြာမှုမရှိတဲ့ ဆက်သွယ်မှုတွေကို ထိထိရောက်ရောက် လုပ်ဆောင်လာနိုင်မှာ ဖြစ်ပါတယ်။

ဒါဆိုရင်တော့ လုပ်ငန်းခွင်မှာ မဖြစ်မနေ လိုအပ်တဲ့ Communication Skill တိုးတက်ကောင်းမွန်ဖို့ သတိပြုလိုက်နာသင့်တာတွေနဲ့ ရှောင်ကြဉ်ရမဲ့အချက်တွေကို သိသွားကြမယ်လို့ မျှော်လင့်ပါတယ်။

အခု ဒီ Content ကနေ အကျိုးတစ်စုံတစ်ရာ ရရှိသွားတယ်ဆိုရင် တစ်ခြားသူတွေအတွက်လည်း မျှဝေပေးသွားခဲ့နိုင်ပါတယ်။ နောက်များမှာလည်း Hype Think Education ကနေ အကျိုးရှိစေမဲ့အကြောင်းအရာများစွာကို အစဉ်တစိုက် မျှဝေပေးသွားမှာဖြစ်လို့ Follow လုပ်ပြီး စောင့်ကြည့်ဖို့ မမေ့နဲ့ဦးနော်