Vocabulary Meaningအသစ်တွေ ကျက်လိုက်၊ မေ့လိုက်ဖြစ်နေတဲ့ သံသရာကနေ ရုန်းထွက်နိုင်မဲ့ နည်းလမ်း (၆)ခုကို Hype Think Educationမှ မျှဝေပေးသွားမှာဖြစ်ပါတယ်။
Introduction
Foreign Languageတွေကို လေ့လာသင်ယူတဲ့အခါမှာ ကောင်းစွာပြောတတ်ဖို့နှင့် ရေးတတ်ဖို့အတွက်ဆိုရင် ဝေါဟာရ အရင်ကြွယ်၀နေဖို့ကလည်း အရမ်းအရေးကြီးပါတယ်။ ဒါပေမဲ့ ကျောင်းသားအများစုကြုံတွေနေရတဲ့ ပြသာနာကတော့ “ စကားလုံးအသစ်တွေ ထပ်ကျက်လိုက်၊ ကျက်ပြီးသား အဟောင်းတွေက အသစ်တွေပြန်ဖြစ်သွားလိုက်” စတဲ့ ပြသနာပဲ ဖြစ်ပါတယ်။
ဒါကြောင့် ဒီလိုမျိုးထပ်မဖြစ်ရအောင် အောက်ပါ နည်းလမ်းတွေနဲ့ အတူတူ စနစ်တကျ ကျက်မှတ်ကြည့်ကြရအောင်နော်
၁။ စကားလုံးအသစ်တွေ အများကြီး မကျက်ပါနဲ့။
တစ်နေ့မှာ စကားလုံးရေ အနည်းဆုံး(၅)လုံးလောက် သေသေချာချာကျက်မယ်ဆိုရင်တောင် လုံလောက်ပါတယ်နော်။ အဓိကတော့ အများကြီးကျက်နိုင်တာထက် ကိုယ့်ကျက်ခဲ့တဲ့စကားလုံးတွေကို ခေါင်းထဲမှာဆွဲနေဖို့က ပိုအရေးကြီးပါတယ်။
၂။ စာအုပ်တစ်အုပ်သီးသန့်ထားပြီးတော့ ကျက်မှတ်တိုင်း စကားလုံးအသစ်တွေကို အဲ့စာအုပ်ထဲမှာချရေးကြည့်ပါ။
ချရေးခြင်းဖြင့် လက်နှင့်စကားလုံးအရေးအသားထိတွေ့မှုရှိစေလို့ ဖုန်းနဲ့ Typingရိုက်တာထက် ပိုပြီးမှတ်မိနိုင်ပါတယ်။
၃။ Example sentenceတွေနဲ့ အတူ မှတ်သားကြည့်ပါ။
ဥပမာပြောရရင် ‘go’ဆိုတဲ့ စကားလုံးအသစ်ကို ကျက်မှတ်မယ်ဆိုရင် အဲ့စကားလုံးကြီးပဲ မှတ်သားမဲ့အစား ( I go to the gym every weekday. I usually go to school by bus.)စတဲ့ ကိုယ်ပိုင် sentenceလေးတွေ ဖန်တီးပြီး မှတ်သားကြည့်စေချင်ပါတယ်။
နောက်ပြီး ကိုယ့်ကျက်မှတ်ထားတဲ့ စကားလုံးတွေကို သူငယ်ချင်းတွေနဲ့ စာပို့တဲ့အခါဖြစ်ဖြစ်၊ speakingလေ့ကျင့်ချိန်မှာပဲဖြစ်ဖြစ် ထည့်သုံးခြင်းကလည်း ကျက်ထားတဲ့စကားလုံးတွေနဲ့ ပိုပြီးအကျွမ်းတ၀င် ဖြစ်စေပါတယ်။
၄။ Always Read, Read and Read
စကားလုံးတွေ မှတ်ထားတဲ့စာအုပ်ကိုလည်း ကျက်ပြီး ပြီးရောဆိုပြီး ပစ်ထားလိုက်တာမျိုးမလုပ်ပဲ 24နာရီပြည့်သွားတိုင်း၊ 1ပတ်ပြည့်သွားတိုင်း၊ 1လပြည့်သွားတိုင်း ပြန်နွေးနေပါ။ ဘာလို့ဆို စကားလုံးတွေဆိုတာ ခဏခဏမြင်ပါများနေမှ ဦးနှောက်ထဲထိဆွဲတာမို့လို့ “ Always Read, Read and Read“ ပါနော်။
၅။ Word search games
ဒီနည်းလမ်းကတော့ Gameဆော့ရတာကြိုက်တဲ့သူတို့အတွက် အသုံး၀င်တဲ့နည်းလမ်းတစ်ခုဆိုလည်း ဟုတ်ပါတယ်။ အဲ့တာကတော့play storeမှာ “ word search games“ လို့ ရိုက်ရှာလိုက်တာနဲ့ puzzle, crosswordတို့ ဆော့လို့ရတဲ့ appတွေများစွာရှိတာကြောင့် ကိုယ်နှစ်သက်တဲ့ gameတွေဆော့ပြီးတော့လည်း စကားလုံးတွေလေ့လာနိုင်ပါတယ်။ Gameဆော့ရတာ သိပ်မကြိုက်တဲ့သူဆိုရင်လည်း flashcardတွေအသုံးပြုပြီးလည်း လေ့လာလို့ရပါတယ်နော်။
၆။ ကိုယ့်ရဲ့မိခင်ဘာသာစကားသို့ အမြဲတမ်း ဘာသာမပြန်ပါနဲ့။
ဒီနောက်ဆုံးနည်းလမ်းလေးကတော့ ဆရာ/ဆရာမအများစုလည်း ပြောလေ့ရှိကြပါတယ်။ အဲ့တာကတော့ “ စကားလုံးတိုင်းရဲ့ အဓိပ္ပာယ်ကို ကိုယ့်ရဲ့မိခင်ဘာသာစကားသို့ အမြဲတမ်း ဘာသာမပြန်ကြည့်ဖို့ပါ။” အဲ့အစား googleမှာ ကိုယ့်သိချင်တဲ့စကားလုံးအဓိပ္ပာယ်ကို သူ့ဘာသာစကားအတိုင်း ရှင်းပြထားတဲ့ စာကြောင်းတွေရှာကြည့်လို့ရတဲ့အပြင် ပိုပြီးထင်သာမြင်သာရှိချင်ရင်တော့ google imageမှာ ပုံတွေကြည့်လ်ို့ရပါတယ်။ အခုလိုရှာကြည့်ပြီးမှတ်သားတာက ကိုယ့်ကျက်တဲ့စကားလုံးရဲ့ similar and oppositeစကားလုံးတွေကိုပါ သိရတဲ့အတွက် ကိုယ့်အတွက်မှတ်သားရတာလည်းပိုပြီးလွယ်ကူစေပါတယ်။
Conclusion
ကဲ အခုလောက်ဆ်ိုရင် စကားလုံးအသစ်တွေကို ထိထိရောက်ရောက် ဘယ်လိုကျက်သင့်သလဲဆိုတဲ့ နည်းလမ်းများကိုလည်းသိသွားပြီဆိုတော့ – ဒီနည်းလမ်းများအတိုင်း ကျက်မှတ်မယ်ဆိုရင်တော့ အတိတ်သာ မေ့ချင်မေ့သွားမယ် … ကျက်ထားတဲ့စကားလုံးတွေကတော့ ဘယ်တော့မှ မေ့မှာမဟုတ်တော့ဘူးနော်
Content Writer by Hnin EiEi Phyo
